فته الحمص جديدة وسهلة. اكتشفوا وصفة، بطريقة تحضير واضحة، مقادير دقيقة، وصور رائعة. تسقيه ببدوه بلشامي البدوه عباره عن مسبحه وطحينه
- 0.5 كيلو حمص مسلوق
- 0.5 كيلو مسبحه الحمص موجوده طريقتها بوصفاتي
- خبز شامي ناشف يعني مايكون الخبز طازه منشان مايفرط
- ملح سنين توم ملعقتين طحينه كبار
- ليمونه معصوره
- للوجه ملعقتين سمنه مع 200 غرام لحمه
- كمون وبابريكا
- 1 اول شي منعمل البدوه منحط نص كيلو المسبحه مع الطحينه وملعقه ملح وملعقه عصير الليمون ومنزيدن شويه مي ومنحركن حتى يصير قوامها سلس متل سلطه الطراطور
- 2 ومنكون ناقعين الحمص ومسلوق والحبه مستويه منيح او فيكي تستعملي حمص علب او اذا موجود حمص جاهز بتجيبي منو ومنسخنو منيح مع ميتو
- 3 منكسر الخبز بجاط التقديم ومنهرس سنين توم مع ملعقه ملح ومنحطها علخبز ومنسقي الخبز بمرقه الحمص السخنه ومنضيف عصير الليمونه ومنحرك التوم منيح مع الخبز ومنضيف نص مقدار البدوه ومنحرك وبعدين منرفع شويه حمص للوجه ومنفرد الحمص على الخبز ومنفرد عليهم مقدار البدوه ومنفردو بملعقه منغطي كل الحمص ومنزين بشويه الحمص يلي رفعناهم بالاول
-
4
منكون مقلين اللحمه مع ملح وفلفل منزين وجه التسقيه بكمون ناعم وبابريكا ومنزين الوجه بللحمه والسمنه ومنقدمها مباشره مو طيبه بارده والخبز بيتشتش
يجب عليك تسجيل الدخول لتتمكن من التعليق وإضافة تجربتك لهذه الوصفه
